БРСМ

ПА ГА «БРСМ» ААТ «Скідзельскі цукровы камбінат» - гэта грамадскае добраахвотнае аб'яднанне маладых грамадзян для сумеснай дзейнасці, якое задавальняе іх сацыяльныя інтарэсы і запатрабаванні, накіраванае на рашэнне задач ідэйна-маральнага выхавання моладзі і далучэнне яе да актыўнай грамадска-карыснай дзейнасці.

Кожны з нас мае ідэі, задумы, творчыя планы. Рэалізаваць іх можна са сваімі аднадумцамі. Кожны малады чалавек павінен мець магчымасць быць пачутым, абмеркаваць пытанні, якія яго хвалююць, з іншымі зацікаўленымі людзьмі (аднагодкамі, прадстаўнікамі старэйшага пакалення, экспертамі, прадстаўнікамі ўлады), даведацца, што ён можа зрабіць для вырашэння існуючых праблем, а таксама атрымаць падтрымку сваіх дзеянняў.

БРСМ - па-сапраўднаму адзіны маладзёжны саюз. Працуючы ў ім, мы выступаем не толькі як жыхары свайго горада, але і як прадстаўнікі беларускай моладзі. Мы адчуваем сябе часткай нашай Радзімы, часткай Рэспублікі Беларусь.

Хто можа ўступіць у ПА ГА «БРСМ»? Згодна са статутам                         ПА ГА «БРСМ» членам арганізацыі можа быць любы малады чалавек ва ўзросце ад 14 да 31 года, які згодны са Статутам арганізацыі, з'яўляецца грамадзянінам РБ або мае від на жыхарства. Пры гэтым ніжняя мяжа строгая, а вось верхняя не вельмі. Членам БРСМ можа быць і чалавек, узрост якога складае больш чым 31 год. Аднак ёсць абмежаванні: членаў БРСМ, узрост якіх складае больш чым 31 год, не павінна быць у пярвічнай арганізацыі больш за 1/3. Дзе можна ўступіць у ПА ГА «БРСМ»? Каб уступіць у пярвічную арганізацыю БРСМ Вам дастаткова прыйсці да сакратара пярвічнай арганізацыі ААТ «Скідзельскі цукровы камбінат» і напісаць заяву. Ваша заява будзе разгледжана на пасяджэнні пярвічнай арганізацыі, дзе будзе прынята рашэнне аб прыняцці Вас у арганізацыю.

Асноўныя накірункі дзейнасці пярвічнай арганізацыі ГА «БРСМ»        ААТ «Скідзельскі цукровы камбінат»:

• фізічнае выхаванне;

• мастацкая самадзейнасць;

• развіццё добраахвотнай маладзёжнай дружыны;

• валанцёрскі рух «Добрае Сэрца»;

• санітарная дружына;

• пазнавальныя экскурсіі.

Грамадскае аб'яднанне "Беларускі рэспубліканскі саюз моладзі" - самае масавае і аўтарытэтнае маладзёжнае аб’яднанне ў Рэспубліцы Беларусь. Моладзь ААТ "Скідзельскі цукровы камбінат" аб'ядноўвае ў сваіх радах ініцыятыўных, энергічных, працавітых маладых людзей, якія займаюць актыўную пазіцыю ў жыцці нашай краіны. Кожны малады чалавек павінен мець магчымасць быць пачутым, мець права абмяркоўваць і вырашаць свае праблемы, атрымліваць падтрымку з боку саюза моладзі. Калі ў цябе ёсць жаданне рэалізоўваць свой творчы патэнцыял, праявіць сябе як асобу, зарэкамендаваць сябе як адказнага чалавека - сардэчна запрашаем у наш дружны калектыў. Давайце разам станем ініцыятарамі добрых спраў і традыцый. Сваёй працай і актыўнасцю станем надзейнай апорай нашай дзяржаве!